Saltar ao contido principal

Publicacións

Mostrando publicacións desta data: xaneiro 11, 2015

Y de repente Teresa, de Jesús Sánchez Adalid

Obra histórica que conmemora o V centenario do nacemento de Santa Teresa. Sinopse:   A Inquisición contra Teresa de Jesús . Un proceso oculto durante séculos que por fin sae á luz. Durante o reinado de Felipe II, a Inquisición lánzase con brío e auténtica obsesión a controlar a sociedade española. Ninguén está libre de sospeita. Don Rodrigo de Castro é un inquisidor implacable, ambicioso e cauto, que se consagrou concienciudamente a realizar pescudas sobre aquelas mulleres que caen en éxtase ou teñen visións e misteriosas revelacións, por se fosen "iluminadas", é dicir, adeptas á seita mística que tanto preocupa ao Santo Oficio, que a considera herética e relacionada co protestantismo. E para facer as indagacións pertinentes, De Castro nomeou dous comisarios, un frade dominicano e un cabaleiro da Orde de Alcántara , con atribucións especiais e secretas. No medio de todo iso, unha muller afánase por unir o presente e o eterno; separar a verdade da aparenc

Pacto de lealtad, de Gonzalo Giner

Pouco antes do estalido da Guerra Civil, a vida de Zoe Urgazi esborrállase: o seu marido morre na revolución asturiana ao tempo que ela descobre a súa infidelidade; o seu pai é encarcerado; e ela, sen ningún tipo de ingresos nin patrimonio, é desafiuzada do palacete madrileño onde reside. Botando de menos unha existencia pasada, Zoe intenta sobrevivir nun país turbulento xunto a Campeón , un can sen estirpe, que lle axudará a sortear os perigos dunha guerra inxusta. Unha novela trepidante que percorre o período máis dramático do século XX : a Guerra Civil e o auxe do nazismo, e que narra, por vez primeira, o papel dos cans nos conflitos armados. Espías, experimentos secretos para achar un can de guerra mitolóxico, traizóns, amor... atravesan estas páxinas que ilustran, grazas ao seu protagonista, o inquebrantable e ancestral pacto de lealdade entre o can e o home. Book trailer:

Underground, de Haruki Murakami

O ataque con gas sarín que se produciu no metro de Tokyo en marzo de 1995 cobrouse doce vidas, ademais, miles de persoas resultaron feridas e moitas outras sufriron as súas consecuencias e secuelas. Fondamente afectado, o novelista Haruki Murakami entrevista as vítimas, aos que viviron e sufriron na súa propia carne o atentado, para establecer con precisión que aconteceu ese día nas distintas liñas de metro afectadas e como o viviron. Tamén desentraña a verdadeira historia que se ocultaba tras aquel acto terrorista que converteu unha anódina mañá de luns nunha traxedia nacional. E, sobre todo, intenta responder a algunhas preguntas primordiais: por que? Por que nese momento e lugar concretos?, que nos di da psicoloxía xaponesa o comportamento de todos os implicados? Como contrapunto, Murakami ofrécenos os testemuños dalgúns membros e ex membros da seita para desentrañar os motivos que conduciron a aquel atentado. Book trailer:

Los pasos que nos separan, de Marian Izaguirre

A bora , o vento que azouta Trieste en certas épocas do ano, é un aire apaixonado que dura pouco pero dobra o corpo e muda o ánimo. Salvador e Edita coñecéronse nesta cidade un día de primavera de 1920. Sopraba o vento, e todo cambiou. Ela nacera en Liubliana e el en Barcelona, e os dous roldaban os vinte anos, unha idade espléndida para permitirse calquera loucura, pero Edita , fermosa e discreta, estaba casada e tiña unha filla. Salvador só tiña o seu traballo no taller dun grande escultor e ganas de ser por fin un home e pisar firme na vida. Logo, en Barcelona, case a finais dos anos setenta... Un home xa maior e viúvo que busca axuda para volver a Trieste e a todos os lugares onde un día creu ser feliz, e unha rapaza, Mariña, que vai ir con el para buscar un futuro. E entre Salvador e Mariña, de súpeto, case sen avisar, os recordos: un parque a beiras do mar, as sabas revoltas dun amor a media tarde, unha plataforma, unha nena que se afasta, e unha espléndida tábo

Andel de novidades