Saltar ao contido principal

Publicacións

Mostrando publicacións desta data: maio 25, 2014

Mércores creativos

Esta semana realizamos a última sesión dos mércores creativos. Para os mais pequenos utilizamos cartolinas e pratos de cartón co que elaboraron uns divertidos dinosauros. Cos maiores levamos a cabo un taller de pinzas de madeira, que con papeis adhesivos e cartolinas convertemos en moscas e bolboretas. Despois do éxito alcanzado, está previsto realizar unha nova convocatoria dos mércores creativos para o curso que vén.

Pasen e lean - Alumnado de 3º ciclo

Coa segunda sesión para o alumnado de 3º ciclo rematamos o programa de actividades "Pasen e lean". Nesta ocasión lemos unha historia do libro "El circo máxico", xogamos coas láminas que xa utilizamos cos ciclos anteriores e confeccionamos un marcapáxinas.

Pasen e lean - Alumnado de 2º ciclo

Na segunda sesión co alumnado de 2º ciclo , lemos a historia "El elefante encadenado". A continuación xogamos a completar e recoñecer personaxes de circo coas láminas baseadas nas ilustracións de Ricardo Cavolo . E para rematar elaboramos un marcapáxinas.

Contacontos con Elegante Elegante

O mércores pasado divertímonos un montón co espectáculo "O lobo bobo" da compañía Elefante Elegante.

X Concurso de debuxo en formato marcapáxinas

Este ano convocamos a X edición do Concurso de debuxo en formato marcapáxinas. Os rapaces do CEIP "José María Lage" fixeron uns fermosos debuxos sobre a figura de Ramón Bascoy. Os  premios foron os seguintes: 1º Premio Daniela Álvarez Lamelas. 3º ciclo Finalistas Iria Area Picos. Educación Infantil Aroa Miranda Castañeda. 1º ciclo Rowan Webb Méndez. 2º ciclo Carla Fernández Riveira. 3º ciclo Todos os debuxos están expostos na Biblioteca e podedes velos ata o 10 de xuño. O venres 16 a Concelleira de Cultura fixo entrega dos premios no CEIP. Na fotografía podedes ver aos premiados cos seus agasallos.

Las tres bodas de manolita, de Almudena Grandes

Nun Madrid devastado, recén saído da guerra civil, sobrevivir é un duro oficio cotián. Especialmente para Manolita , unha moza de dezaoito anos que, co seu pai e a súa madrasta encarcerados, e o seu irmán Antonio escondido nun tablao flamenco, ten que facerse cargo da súa irmá Isabel e doutros tres máis pequenos. A Antonio ocorreráselle un xeito desesperado de prolongar a resistencia nos anos máis terribles da represión: utilizar unhas multicopistas que ninguén sabe poñer en marcha para a propaganda clandestina. E quererá que sexa a súa irmá Manolita , a señorita Conmigo No Contéis , quen visite un preso que pode darlles a clave do seu funcionamento. Manolita non sabe que ese rapaz tímido e sen aparente atractivo vai ser en realidade un home determinante na súa vida, e quererá visitalo de novo, despois de varios periplos, no destacamento penitenciario del valle de los caídos. Pero antes ten que saber quen é o delator que rolda polo barrio. Las tres bodas de Manolita é

La lista, de Frederick Forsyth

No norte de Virxinia encóntrase a sede da TOSA, unha unidade gobernamental de actividades de soporte para operacións técnicas. Baixo este nome tan pouco preciso escóndese a súa verdadeira e única misión: identificar, localizar e destruír os que representan unha ameaza para Estados Unidos. Os nomes de todos eles apúntanse nunha lista aprobada polo presidente e coñecida como: a lista dos asasinables . Esta organización existe. A lista, tamén. Un día engádese un nome novo: o Predicador. Ninguén coñece quen se oculta tras o apelativo. Só sábese que é o responsable de dezasete asasinatos e que utiliza internet para radicalizar mozos islámicos e que sigan así as súas instrucións de asasinar. Pero acaba de cometer un grande erro: a súa última vítima é un xeneral xubilado dos marines e o pai do Rastreador, membro destacado da TOSA. Cun dominio perfecto do árabe, o Rastreador leva seis anos adicado a eliminar aos altos mandos de Al Qaeda . Esta vez, a súa misión será moi diferen