Saltar ao contido principal

Publicacións

Mostrando publicacións desta data: February 1, 2015

Todo lo que he aprendido, Luis Rojas Marcos

Sabías que o optimismo é o motor da creatividade?, que cando pensamos no pracer a primeira imaxe que nos vén é o sexo?, que a incerteza nos atemoriza máis que un perigo concreto?, que estamos deseñados para ser felices?, que unha alta autoestima non é necesariamente saudable?, que o esquecemento é un regalo da memoria?

O prestixioso psiquiatra Luis Rojas Marcos reúne neste libro as principais ideas e reflexións que recolleu ao longo da súa dilatada e exitosa carreira. Conceptos moi útiles para entender os grandes desafíos que a vida nos formula.

Todo lo que he aprendido é o libro definitivo de Rojas Marcos, no que a través de 303 ideas se resumen as claves para entendernos a nós mesmos e facilitar o noso benestar.
Fragmento

Momentos estelares de la humanidad, de Stefan Zweig

Este é probablemente o libro máis famoso de Stefan Zweig. Nel leva ao seu cume a arte da miniatura histórica e literaria. Moi variados son os acontecementos que reúne baixo o título de Momentos estelares: o ocaso do imperio de Oriente, no que a caída de Constantinopla ás mans dos turcos en 1453 adquire o seu signo máis visible; o nacemento del mesías de händel en 1741; a derrota de Napoleón en 1815; o indulto de Dostoievski momentos antes da súa execución en 1849; a viaxe de Lenin cara a Rusia en 1917... «Cada un destes momentos estelares-escribe Stefan Zweig con acerto-marca un rumbo durante décadas e séculos», de maneira que podemos ver neles uns puntos clave de inflexión da historia, que lemos nestas catorce miniaturas históricas coa fascinación que sempre nos produce Zweig.

Marea roja marea negra, de Juan Carlos Salgado

Nova incorporación á sección de local da biblioteca. Un interesante libro sobre a II Guerra Mundial no norte de España onde aparecen os acontecementos bélicos na área do Ortegal. Inclúe unha ampla reportaxe fotográfica.
Sinopse:

A Segunda Guerra Mundial en augas setentrionais españolas non só foi escenario de ataques submarinos italo-alemáns contra a navegación inimiga e neutral, incluída a española. Ademais, un de cada dez mercantes do Eixe buscaron refuxio no norte en 1939. Pronto os aliados empezarían a darlles caza nunha loita implacable ata 1944. Case a metade dos submarinos do Eixe que repuxeron ou repararon en España o fixeron en Ferrol, Vigo e Santander. Este libro pretende iluminar algunhas zonas escuras da guerra nun país que era neutral tan só en aparencia.

Actividades mes de febreiro

O mes de febreiro chega cargado de celebracións á biblioteca. 

Temos tres datas relevantes:

- É o mes do carnaval e imos realizar un taller de disfraces para nenos o mércores día 11.

- Para celebrar que tamén é o mes do amor propoñémosvos unha cita ás cegas cun libro entre os días 9 e 14.

-Finalmente, o día 24 é o aniversario do nacemento de Rosalía de Castro. Realizaremos unha mostra bibliográfica sobre esta autora dende o día 16 ao día 30 e difundiremos os seus poemas nas instalacións da biblioteca o día 24.