Para felicitar ás bibliotecas e aos bibliotecari@s no Día Internacional da Biblioteca, a AEDA (Asociación Profesional da Narración Oral en España) realizou este fermoso vídeo.
Hoxe celebramos o Día da Biblioteca aprendendo a ser bibliotecari@s. Un grupo de voluntari@s aprenderon como é o traballo nunha biblioteca: prestaron libros, atenderon aos usuari@s, prepararon materiais para préstamo, arranxaron libros deteriorados...
Hoxe recibimos a visita dos alumnos e alumnas de 5º A do CEIP "José María Lage", que para celebrar o Día da Biblioteca entregáronnos uns preciosos agasallos: un mural adicado ás bibliotecarias, un libro con recomendacións de lecturas e outro con fermosas historias sobre os libros. Para nós foi unha gratísima sorpresa. Moitas grazas.
O próximo mércores día 24 celebramos o Día da Biblioteca. Anímate a celebralo con nós plasmando a túa opinión sobre a Biblioteca nuns paneis que poñeremos á vosa disposición. E se tes entre 8 e 12 anos poderás convertirte en bibliotecario por un día, previa inscrición.