Blogue da Biblioteca municipal "Juan Fernández Latorre" de Ortigueira

Coa chegada da primavera, o pobo de Pantorra do Piñeiral prepárase para recibir ao máis granado do panorama lírico español, que acode ás terceiras Xornadas Poéticas, celebradas anualmente no Convento das Espinosas . A reunión de tres días preséntase como a oportunidade perfecta para o desvarío dos participantes, que chegan con ganas de esmorga e un obxectivo común entre cella e cella: o sexo, a diversión e a gloria literaria, acompañada preferiblemente dun pisón ao contrario. Todo é posible nestes encontros. Se algo pode acabar mal, rematará peor nunhas xornadas que dificilmente poderán volver convocarse. Un percorrido polas miserias do mundo poético nunha comedia de enredos que, a pesar da súa mordacidade, non está exenta de certa dose de tenrura, a auténtica receita do bo humor. Un perfecto dominio da linguaxe, a brillantez lúdica no ton solemne do narrador e a parodia canalla da trama son os ingredientes que Fernando Aramburu puxo ao servizo dunha novela hilaran...

Novo Mundo, 1556. Acusado de asasinato, o capitán Salazar foxe de Asunción con fray Juan sen saber que a súa fuga obrigará a Mencía de Calderón e a Ana de Rojas a partir na súa busca nunha perigosa e emocionante viaxe a través da selva. Pero este é só o principio dunha nova aventura para os protagonistas que coñecemos en El corazón del océano : seguindo o rastro do mítico El Dorado , dende os poboados indíxenas ata as profundidades das minas de Potosí -entre tahúres , explotadores e correxidores corruptos chegados das Españas- , todos eles se verán atrapados nunha intriga que cambiará os seus destinos e os dos seus descendentes para sempre. El corazón de la selva é unha intensa novela chea de sorpresas, intrigas, paixón e valentía que transportará ao lector a unha das épocas máis apaixonantes da historia. Le o primeiro capítulo .