Saltar ao contido principal

Los pasos que nos separan, de Marian Izaguirre

http://bmpg.rbgalicia.org/cgi-bin/koha/opac-detail.pl?biblionumber=114805
A bora, o vento que azouta Trieste en certas épocas do ano, é un aire apaixonado que dura pouco pero dobra o corpo e muda o ánimo. Salvador e Edita coñecéronse nesta cidade un día de primavera de 1920. Sopraba o vento, e todo cambiou. Ela nacera en Liubliana e el en Barcelona, e os dous roldaban os vinte anos, unha idade espléndida para permitirse calquera loucura, pero Edita, fermosa e discreta, estaba casada e tiña unha filla. Salvador só tiña o seu traballo no taller dun grande escultor e ganas de ser por fin un home e pisar firme na vida.

Logo, en Barcelona, case a finais dos anos setenta... Un home xa maior e viúvo que busca axuda para volver a Trieste e a todos os lugares onde un día creu ser feliz, e unha rapaza, Mariña, que vai ir con el para buscar un futuro. E entre Salvador e Mariña, de súpeto, case sen avisar, os recordos: un parque a beiras do mar, as sabas revoltas dun amor a media tarde, unha plataforma, unha nena que se afasta, e unha espléndida táboa renacentista cunha Virxe que mira e dubida.

Con esas voces que se cruzan no tempo e no espazo, Marian Izaguirre escribiu unha novela onde a culpa e o perdón xogan o mellor dos partidos e cada paso importa.

Comentarios

Publicacións populares deste blog

Feito a man na biblioteca: patchwork

Este mes comezamos un novo programa: "Feito a man na biblioteca". A través del tentaremos dar a coñecer diferentes labores artesanais, oficios tradicionais... que se realizan na comarca. Cada mes realizaremos un obradoiro para nenos e unha charla para todos os públicos.
Se realizas algunha actividade deste tipo e desexas participar neste proxecto ou se coñeces a alguén que estea interesado, podes contactar con nós na biblioteca ou no 981 400 101.
Inauguramos este ciclo co patchwork e agradecemos de antemán a colaboración da profesora Gabi Villasuso.
No cartel podedes ver as dúas citas programadas. Esperámosvos!!!

Libros máis prestados 2018

O ranking dos libros máis prestados pola nosa biblioteca no 2018 para o público adulto é o seguinte:
Las hijas del capitán, de María Dueñas
Volveré a buscarte, de Pilar Cernuda
El canto del bandoneón, de Hans D. Meyer zu Düttingdorf
Tierra sin hombres, de Inma Chacón
La voz de los árboles, de Tracy Chevalier
Niebla en Tánger, de Cristina López Barrio
Volverás a Alaska, de Kristin Hannah
El día que se perdió la cordura, de Javier Castillo
La villa de las telas, de Anne Jacobs
Más allá del invierno, de Isabel Allende
El último regalo de Paulina Hoffmann, de Carmen Romero Dorr
  Mujeres que compran flores, de Vanessa Montfort




Séntate a ler

Onte deixamos unha morea de libros por diferentes lugares públicos do municipio para celebrar o Día do Libro. Faltaba poñer aquí as fotos para que os que os atopastes poidádesnos contar que vos pareceron.  Grazas a todos os que vos animades a deixarnos os vosos comentarios tanto aquí como en Facebook.