A nova novela de Umberto Eco
descóbrenos a cara escura do periodismo e o xeito en que a nosa
realidade está en mans dos que constrúen as noticias. En abril de 1992
o protagonista de Número 0, Colonna, un tipo duns cincuenta anos, recibe unha estraña proposta do señor Simei: converterse en redactor xefe de Domani,
un diario que dalgún xeito vai adiantarse aos acontecementos a base de
suposicións e moita imaxinación. Este suposto periódico nunca sairá á
luz, pero os seus 12 Número 0 servirán a quen está a financiar a Simei
para chantaxear os banqueiros e políticos correspondentes e entrar nas
altas esferas do poder. E hai unha consigna clara: de ningún xeito
haberá que danar os intereses próximos ou remotos de quen financia o
xornal.
Comentarios