Puedo prometer y prometo, de Fernando Ónega

Fernando Ónega, cronista excepcional da Transición, ofrécenos a biografía dun político inesquecible: Adolfo Suárez.

Nun momento como o actual, en que o descontento cara á clase política avanza a pasos axigantados entre a cidadanía, apenas quedan figuras capaces de sortear o desprestixio que asola os nosos gobernantes. E non obstante, a lenda de Adolfo Suárez, o piloto da Transición que asombrou ao mundo, non deixou de crecer nos últimos anos.

Adolfo Suárez alcanzou a presidencia do Goberno de forma tan inesperada como a abandonaría despois. Son, sen lugar a dúbidas, os cinco anos máis apaixonantes e decisivos da nosa historia recente. Suárez gobernou con audacia e valentía un país que estaba a cambiar de pel, abordou con entusiasmo o reto de desmontar a ditadura franquista para alcanzar un novo estado democrático e constitucional, e a pesar diso, o home que mellor representa o espírito da Transición, remataba a súa aventura política traizoado polos seus propios camaradas. A dimensión do cambio que protagonizara levantaba paixóns enfrontadas, e unha enorme ingratitude para a que non estaba preparado.

A medio camiño entre a biografía e a crónica, este libro reconstrúe a traxectoria política, persoal e sentimental dun home esencial na historia da democracia. Grazas aos testemuños daqueles que estiveron xunto a el, incluído o rei Juan Carlos I, Fernando Ónega recupera os recordos que foron diluíndose na súa memoria, e ofrécenos a súa homenaxe persoal a un político inesquecible, Adolfo Suárez.