Saltar ao contido principal

Estamos de noraboa


O día 30 de outubro recibimos a comunicación de que quedamos finalistas na X Campaña de animación á lectura "María Moliner" 2007.

De entre os 504 proxectos presentados por diferentes bibliotecas de toda España o da nosa biblioteca quedou entre os dez finalistas.

As bibliotecas premiadas foron: Villena (Alicante) na categoría de Animación á lectura, Pravia (Asturias) na categoría de Labor bibliotecaria e Sartaguda (Navarra) na categoría de Integración social. Estas tres bibliotecas recibirán un premio en metálico de 12.000 € e un lote de libros. (Nota de prensa do Ministerio de Cultura).

O premio que recibe a nosa biblioteca consiste nun lote bibliográfico de 200 libros infantís e xuvenís por estar entre os 350 proxectos seleccionados e un lote bibliográfico de obras de referencia por estar entre os finalistas.

Gracias a tod@s @s que participades nas diversas actividades de animación á lectura convocadas dende a biblioteca porque sen vós non terían sentido.

Nas anteriores convocatorias:

2006 - Premio de 200 libros infantís por estar entre os 350 proxectos seleccionados e lote bibliográfico de obras de referencia por estar entre os finalistas.

2005 - Premio de 200 libros infantís por estar entre os 350 proxectos seleccionados e lote bibliográfico de obras de referencia por estar entre os finalistas.

2004 - Premio de 200 libros infantís por estar entre os 350 proxectos seleccionados.

Comentarios

Publicacións populares deste blog

Amor y otras miseras, de Rosa Sallent Aguilera

Actividades Día do Libro 2018

A semana que vén teremos unha morea de actividades para celebrar o Día do Libro.
Comezamos o luns 23 pola mañá coa IV edición do programa "Séntate a ler". O persoal da biblioteca iremos deixando libros sorpresa de agasallo en diferentes sitios públicos das parroquias que conforman o municipio (excepto en Santa Marta, que como veremos máis adiante ten outra data para iso).  Con motivo desta actividade ese día a biblioteca abrirá ás 12:00 h. O mesmo luns, ao longo de toda a tarde, nas instalacións da biblioteca teremos a disposición de todos aqueles que vos animedes sesións de Photocall e BookFace.
A seguinte cita será o xoves 26 ás 11:30 h. no Antigo Mercado (fronte á Casa Consistorial) onde a través da campaña "Libros para sermos libres" da Deputación da Coruña, poremos á vosa disposición 200 libros de agasallo. (A biblioteca estará pechada en horario de mañá). Para finalizar esta semana de celebracións, o venres 27 ás 20:00 h, na biblioteca acolleremos a c…

Horario de verán