Blogue da Biblioteca municipal "Juan Fernández Latorre" de Ortigueira

Última sesión de actividades do mes de febreiro. Igual que a semana pasada continuamos aprendendo máis sobre Xapón e convertémonos nuns xaponeses moi apropiados para esta época do ano. Lembrade que no mes de marzo continuamos co programa Benvidos a Xapón! Esperámosvos!

Na segunda xornada do programa "Benvidos a Xapón!" continuamos aprendendo unha morea de cousas sobre a cultura xaponesa e convertémonos nuns nipóns moi feitiños.

O pasado mércores comezamos coas actividades do programa "Benvidos a Xapón!". Nas dúas primeiras sesións traballamos co libro "Lolota en Xapón" e demos unhas pinceladas sobre a cultura xaponesa. Finalizamos confeccionando uns divertidos abanicos.

No primeiro semestre de 2020, imos mergullarnos na cultura xaponesa. Con ela van estar relacionadas as actividades que desenvolvamos para os máis pequenos pero tamén outras actividades destinadas a diferentes tipos de público. En primeiro lugar, acabamos de poñer á vosa disposición diversos materiais que podedes levar en préstamo ou consultar na biblioteca. Uns formaban xa parte dos fondos existentes, outros acabamos de adquirilos e outros foron doados pola Fundación Japón . Ao longo destes meses iremos amosando con máis detalle devanditos materiais. Esperamos que sexan do voso interese e que gocedes das diferentes actividades programadas.

Estamos a piques de comenzar o novo ciclo de actividades deste ano. Nesta ocasión imos achegarnos a unha cultura moi diferente á nosa.

Os nosos superusuarios xa foron recollendo o seu agasallo. Parabéns!!!

Cada 11 de xaneiro as bibliotecas celebramos o Día do usuario porque sen vós os servizos que ofrecemos desde as mesmas non terían sentido. Nós imos celebralo facendo un pequeno obsequio a aqueles usuarios que máis utilizaron o servizo de préstamo ao longo do ano 2019. Tamén queremos desde aquí darvos as grazas a todos os que usades a biblioteca e animar aos que aínda non o facedes a que veñades vernos para que vos podamos contar todo o que vos ofrece. Esperámosvos!