Blogue da Biblioteca municipal "Juan Fernández Latorre" de Ortigueira

O día 20 de agosto Ramón Sainero, profesor de Literatura Celta e Irlandesa da UNED e director do Instituto de Estudos Celtas, presentou na Biblioteca o seu libro As orixes do pobo de Breogán no "Leabhar Gabhála" , publicado por Biblos Clube de Lectores na colección Mandaio. Ramón Sainero estivo acompañado por Tucho Calvo, director literario de Biblios Clube de lectores, que se encargou de presentar o acto, e do xornalista e escritor Ramón Loureiro, que fixo un breve percorrido pola vida e obra do autor.

Durante o mes de agosto haberá catro sesións de contacontos incluídas no programa "Na biblioteca": 6 de agosto: "Os contos do Pablísimo" de San & San Teatro. 13 de agosto: "Palabras e papeis" de Fran Ínsua. 20 de agosto: Os contos da ciclobiblioteca. 27 de agosto: Os contos de Fátima Fernández. Todas as sesións serán ás 12:00 h. e contarán con entrada libre. As dúas primeiras sesións están cofinanciadas pola Dirección Xeral de Creación e Difusión Cultural da Xunta de Galicia, dentro do programa Letras Vivas Animación.

Onte recibimos a visita de Marisa Irimia, que nos contou varios contos do Kamishibai. Esta sesión estaba incluída no premio que recibimos na IX Campaña María Moliner.

No mes de xullo as actividades do programa "Na biblioteca..." para nen@s de 3 a 12 anos cambian de horario. Haberá unha única sesión ás 12 horas. Calendario: - 2 de xullo: Obradoiro de globoflexia. - 9 de xullo: Obradoiro de papiroflexia. - 16 de xullo: Obradoiro de chenilla. - 23 de xullo: Obradoiro de escuma multicor. Para cada unha destas actividades é necesario inscribirse na biblioteca o mesmo día da súa celebración ou o día anterior. As prazas están limitadas. O día 30 de xullo haberá unha SESIÓN DE CONTACONTOS con Fátima Fernández para todas as idades con entrada libre.

Recordámosvos que durante o mes de xullo o horario da biblioteca é: Luns-venres: 9:00 a 14:00 horas. Sábados: 10:00 a 13:30 horas (excepto os días 12 e o 26 nos que a biblioteca permanecerá pechada). No mes de agosto volvemos ao horario habitual.

Na praza exterior da biblioteca hai un taboleiro un pouco raro, ten varias casas de cores e nelas están Fluvi, os seus amigos e outros elementos estraños. ¿Para que é?. Pois é o Fluvi xogo ¡Que me leva a corrente!. Algúns de vós xa xogástes o mércores pasado nel e tod@s aos que vos apeteza probalo só tedes que pedir o dado na biblioteca.

O sábado día 7 de xuño a biblioteca permanecerá pechada. Rogamos disculpedes as molestias ocasionadas.