Saltar ao contido principal

Novidade

Na España do século XVIII, unha conmovedora historia de amizade, paixón e vinganza une dúas voces de muller nun canto esgazado pola liberdade.

En xaneiro de 1748, unha muller negra deambula polas rúas de Sevilla. Atrás deixou un pasado escravo na afastada Cuba, o fillo ao que nunca volverá ver e unha longa viaxe en barco ata as costas españolas. Caridade xa non ten un amo que lle dea ordes, pero tampouco un lugar onde abeirarse cando se cruza no seu camiño Milagros Carmona, unha moza xitana de Triana por cuxas veas corre o sangue da rebeldía e a arte dos da súa raza.

 As dúas mulleres convértense en inseparables e, entre zarabandas e fandangos, a xitana confesa á súa nova amiga o seu amor polo aposto e arrogante Pedro García, de quen a separan antigos odios familiares. Pola súa banda, Caridade esfórzase por acalar o sentimento que está a nacer no seu corazón cara a Melchor Vega, o avó de Milagros.

Pero cando un mandato real converte a todos os xitanos en proscritos, a vida de Milagres e Caridade dá un tráxico xiro. Aínda que os seus camiños se separan, o destino volverá unilas nun Madrid onde conflúen contrabandistas e cómicos, nobres e viláns; un Madrid que se rende á paixón que emana das voces e bailes desa raza de príncipes descalzos.

Ildefonso Falcones proponnos unha viaxe a unha época apaixonante, tinguida polos prexuízos e a intolerancia. Dende Sevilla ata Madrid, dende o tumultuoso bulicio da xitanería ata os teatros señoriais da capital, os lectores gozarán dun fresco histórico poboado de personaxes que viven, aman, sofren e pelexan polo que cren xusto.

Comentarios

Publicacións populares deste blog

Estamos de volta!

Desde hai uns días estamos prestando o servizo de préstamo e devolución de materiais con cita previa. O horario de atención é de luns a venres de 9:00 a 14:00 h. Podedes solicitar cita no teléfono 981 400 10 1 ou no correo electrónico ortigueira.rbgalicia@eidolocal.es e debedes dicirnos que materiais vos queredes levar en préstamo (para facer a vosa selección podedes consultar o catálogo: https://catalogo- rbgalicia. xunta. gal). Se queredes facer o carné de socios, tendes consultas bibliográficas ou que facer trámites on line tamén podedes poñervos en contacto con nós a través do teléfono ou do correo electrónico.   Iremos avisando según se poidan reabrir outros servizos.

Biblioteca pechada!

Debido ás medidas preventivas de saúde pública como consecuencia da evolución do Coronavirus a biblioteca permanecerá pechada desde o 13 de marzo ata novo aviso. Non vos preocupedes pola devolución do material que poidades ter en préstamo nas vosas casas. Os exemplares poderán ser devoltos na reapertura sen penalización de ningún tipo. Queremos recordarvos que podedes facer uso da plataforma de libros electrónicos, Galiciale: https://www.galiciale.gal/ Lembrade que para acceder á plataforma só precisades ter o carné dalgunha das bibliotecas da Rede de Bibliotecas Públicas de Galicia e ter unha conta de correo electrónico. Se tedes calquera dúbida estamos á vosa disposición no teléfono 981 400 101 e no correo ortigueira.rbgalicia@eidolocal.es

Día Internacional da Muller

O día 4 de marzo pola tarde, Raquel da editorial OQO tróuxonos "Os contos da leiteira", e outras historias relacionadas coa muller e a igualdade. Esta actividade foi organizada pola Concellería de igualdade-CIM dentro do programa de conmemoración do Día Internacional da Muller.