Blogue da Biblioteca municipal "Juan Fernández Latorre" de Ortigueira

Presentación Ortigueira Literaria Dixital

2012-01-28T13:14:00.003+01:00

O sábado 28 ás 20:00 h. no Teatro de Beneficecia a Concellería de Cultura presentará Ortigueira Literaria Dixital - 2012, Ano de Antonio Rivera Losada.

Sorteo cestas de Nadal

2011-12-27T13:47:00.005+01:00

Os agraciados coas cestas de Nadal foron Ura e Diego. Noraboa aos dous e que disfrutedes moito dos libros.

Contacontos "Sabela e o paxaro máxico"

2011-12-27T13:41:00.005+01:00

O mércores pasado recibimos a visita de Tarabelos que nos trouxo a historia de "Sabela e o paxaro máxico". Como xa sabiamos a montaxe e a escenografía foron impresionantes. Tod@s quedamos encantados de recibilos de novo na nosa biblioteca.

Premios María Moliner

2011-12-15T17:29:00.006+01:00

Un ano máis o proxecto de animación á lectura presentado pola nosa Biblioteca aos Premios María Moliner figura entre os proxectos premiados. Despois de obter o Premio Nacional de Animación á Lectura no ano 2008 e varias mencións especiais noutras convocatorias, no 2011 figuramos entre os 300 proxectos seleccionados en toda España, polo que recibiremos un novo lote de libros que pasará a formar parte dos fondos da Biblioteca.
Moitas grazas ao profesorado e alumnado do CEIP "José María Lage" xa que sin a vosa participación estes premios non serían posibles.

O Nadal na Biblioteca

2011-12-01T19:41:00.007+01:00

Hoxe chegou o Nadal á nosa biblioteca e o fixo a través da decoración e a nova mostra bibliográfica que vos invita a decorar o Nadal, a facer agasallos vos mesmos...

E tamén dende hoxe comezamos a entregar as papeletas do sorteo de dúas cestas de Nadal cheas de libros. Cada vez que levedes un libro en préstamo entregarásevos unha papeleta para participar no sorteo que se celebrará o día 22 de decembro ás 17:30 h. ¡Canto máis leas máis posibilidades terás de gañar!.

Moitos contos para ti - 30 de novembro de 2011

2011-12-01T19:35:00.006+01:00

Dentro do ciclo "Moitos contos para ti", onte recibimos a visita de Raquel Queizás que nos trouxo "Contos do cestiño". Foi un pracer escoitar as dúas historias que nos relatou.

A última sesión de "Moitos contos para ti 2011" será o día 21 de decembro ás 17:30 h. con Tarabelos contacontos.

Ler en outono

2011-11-03T18:41:00.004+01:00

A mostra bibliográfica deste mes preséntanos interesantes lecturas de outono; inclúe novelas, libros sobre as abellas, o mel, os cogumelos...

Contacontos Fátima Fernández

2011-11-03T18:33:00.003+01:00

Para celebrar o DÍA DA BIBLIOTECA recibimos a visita de Fátima Fernández que nos contou unhas divertidas historias.

24 de outubro - Día da Biblioteca

2011-10-07T10:34:00.003+02:00

O 24 de outubro celebramos o Día da Biblioteca e con ese motivo estreamos unha nova mostra bibliográfica sobre os libros e a lectura.

África na Biblioteca

2011-09-16T12:33:00.002+02:00

A mostra bibliográfica deste mes invítanos a coñecer África a través de diferentes novelas.

Actividades agosto

2011-08-17T19:15:00.006+02:00

O mércores pasado e máis hoxe recibimos a visita de FU e FA que nos trouxeron moita diversión. A semana pasada lembramos moitas cancións e aprendimos outras novas e hoxe xogamos con globos que se converteron en fermosas flores, intrépidas espadas...

Centenario Cunqueiro

2011-08-03T17:31:00.005+02:00

Este ano celébrase o centenario do nacemento do escritor galego Álvaro Cunqueiro e Ortigueira súmase ás celebracións de diversas formas:

Na revista das festas deste ano podedes atopar un interesante artigo de Ramón Barro titulado "Cunqueiro, una vida tan fabulosa como su obra" . O autor fai especial referencia á estadía de Álvaro Cunqueiro en Ortigueira.

Na Biblioteca municipal tedes á vosa disposición unha mostra bibliográfica sobre a obra de Cunqueiro.

O sábado 6 de agosto ás 21:00 h. o Teatro de Beneficencia acolle un dos Faladoiros organizados polo Consello da Cultura Galega para conmemorar o Ano Cunqueiro. Neste faladoiro, titulado "Guerra e literatura", participarán Carlos González Reigosa, Eloy Fernández Clemente, Dolores Vilavedra, Fernando Bouza Álvarez e Ramón Villares.

Actividade "Lolo e a ratoa"

2011-08-03T17:24:00.005+02:00

Hoxe, tivemos a primeira sesión do mes de agosto do programa "Moitos contos para ti". A compañía Títeres Trécola tróuxonos o espectáculo "Lolo e a ratoa".

Lembrade que o próximo mércores ás 12:00 h. haberá un novo espectáculo co obradoiro de c@nto de NI FU NI FA Animación.

Aviso

2011-06-30T10:30:00.004+02:00

HORARIO MES DE XULLO

Como todos os anos o horario do mes de xullo será de luns a venres de 9:00 a 14:00.

Lembrade que o luns 1 de agosto voltamos de novo ao horario habitual.

Actividade para os alumn@s de 6º curso

2011-05-26T17:47:00.006+02:00

Hoxe foron os alumnos e alumnas de 6º curso os que acudiron á súa actividade das Mil e Unha Noites. Igual que os de 5º escoitaron a historia de Alí Babá e confeccionaron as figuras tridimensionais.

Actividade para os alumnos de 5º curso

2011-05-26T17:36:00.008+02:00

Onte o alumnado de 5º curso asistiu á súa actividade sobre as Mil e Unha Noites. Despois de escoitar unha versión da historia de Alí Babá e os 40 ladróns confeccionaron unha figura tridimensional dun personaxe da historia. Podían elexir entre un ladrón e a princesa. Entregámoslles unhas plantillas que primeiro tiñan que colorear, logo recortar e finalmente encaixar con moito tino as diferentes pezas.

"Moitos contos para ti" con Títeres Cachirulo

2011-05-26T17:32:00.005+02:00

Onte recibimos a Visita de Carmen Domech de Títeres Cachirulo que nos trouxo á biblioteca un montón de divertidos contos de ratos. Contounos as historias de "Frederick", "Sopa de ratos", "Sete ratos cegos"...

Obradoiro expreso de maga

2011-05-19T19:20:00.010+02:00

Hoxe recibimos a visita do ilustrador GoChi de "Cerditos de Guinea Cómics" que nos trouxo o seu "Obradoiro expreso de manga". Os rapaces e rapazas que asistiron á actividade foron os membros do clube de lectura de cómic do IES de Ortigueira. Aprendimos un montón de cousas sobre a banda deseñada xaponesa.

Actividade para os almun@s de 3º curso

2011-05-19T19:02:00.006+02:00

Onte e hoxe realizamos as sesións destinadas ao alumnado de 3º curso. Despois de ler unha versión diferente de "Alí Babá e os 40 ladróns" convertímonos en ladróns escondéndonos nunhas ánforas que elaboramos con cartolina personalizando a súa decoración.

Día das Letras Galegas 2011

2011-05-16T14:05:00.006+02:00

Para celebrar o Día das Letras Galegas tedes á vosa disposición a "IV mostra do libro galego", que por suposto inclúe as obras de Lois Pereiro, autor homenaxeado este ano.

Actividades para os alumn@s de 2º curso

2011-05-16T14:01:00.002+02:00

Como as actividades sobre as Mil e Unha Noites que estamos a realizar divídense por ciclos, o xoves o alumnado de 2º curso tivo a oportunidade de desfrutar da actividade que o día anterior realizaramos co 1º curso.

Actividade para os alumn@s de 1º curso

2011-05-11T17:40:00.007+02:00

Hoxe comezamos as sesións para o 2º ciclo. O alumnado de 1º escoitou tamén a historia de Alí Babá e os 40 ladróns contada a través do kamishibai, pero co texto adaptado a estes nenos un poiquiño máis maiores. Ao finalizar a historia confeccionaron uns monicreques cos que entre tod@s contaron de novo a historia.

Actividade para os alumn@s de 5 anos

2011-05-11T17:36:00.005+02:00

O venres foi o turno do alumnado de 5 anos. Divertíronse moito coa historia de Alí Babá e confeccionando os monicreques de dedo.

Actividade para os alumn@s de 4 anos

2011-05-11T17:32:00.003+02:00

O xoves pasado foron os alumn@s de 4 anos os que escoitaron a historia de Alí Babá e elaboraron os seus monicreques de dedo.

Actividade para os alumn@s de 3 anos

2011-05-04T19:07:00.012+02:00

Hoxe comezamos a segunda parte das actividades destinadas ao alumnado do CEIP "José María Lage". Continuamos coas historias das Mil e Unha noites e nesta sesión coñecimos a historia de Alí Babá e os 40 ladróns. Despois de escoitar a historia que Mónica nos contou a través do Kamishibai elaboramos aos personaxes converténdoos nuns estupendos monicreques de dedos.

Visita de Antonio Reigosa e entrega de premios

2011-04-28T18:44:00.005+02:00

Onte finalizamos as celebracións do Día do Libro coa visita de Antonio Reigosa e a entrega de premios do VII Concurso de debuxo en formato marcapáxinas. A través desta actividade o alumnado do CEIP "José María Lage" puido desfrutar das historias do autor ao que estivo adicado o Concurso. Tiñan lido algunha das súas obras, fixeran os seus debuxos baseandose nelas, !por fin! o coñeceron en persoa e contoulles unhas divertidas historias. Para rematar fixo entrega dos premios ao gañador e finalistas do Concurso.

Noraboa aos gañador@s e moitas grazas a tod@s por participar.

VII Concurso de debuxo en formato marcapáxina

2011-04-18T09:48:00.012+02:00

Para celebrar o Día Internacional do Libro, un ano máis convocamos o noso Concurso de debuxo en formato marcapáxinas, que este ano chega á súa VII edición. En esta ocasión o autor elixido foi Antonio Reigosa. O alumnado do CEIP "José María Lage" realizou os seus debuxos en torno á obra deste autor. Os gañadores foron:

1º premio

PABLO CAMPO VILLAR. Alumno de 2º ciclo

2º premio

HELENA LÓPEZ PEÑA. Alumna de Educación Infantil

JOEL QUINTANA PENA. Alumno de 1º ciclo

ADRIÁN BEN MARIÑA. Alumno de 2º ciclo

BORJA CORTÉS QUINTIANA. Alumno de 3º ciclo

Os debuxos xa están expostos na Biblioteca municipal e a entrega de premios levarase a cabo o día 27.

Abril, mes dos libros

2011-04-18T09:40:00.005+02:00

Entre as actividades que realizamos este mes para celebrar que abril é o mes dos libros e da lectura, recibimos a visita dos alumn@s da Escola infantil A Galiña Azul. Estiveron moi atent@s á sesión de contacontos sobre "El hombrecillo de la lluvia" e ao finalizar recibiron como agasallo un libro.

Día Internacional do Libro Infantil

2011-03-31T13:08:00.012+02:00

O 2 de abril celébrase o Día Internacional do Libro Infantil e con ese motivo podedes atopar unha mostra na Biblioteca con parte dos libros recibidos como premio na Campaña de Animación á Lectura María Moliner 2010.

Tamén para celebralo recibimos onte a visita do Bardo Abelardo que nos fixo pasar unha tarde moi divertida cos seus contos e cantos.

Contacontos

2011-03-29T13:40:00.003+02:00

Mañá mércores 30, ás 17:30 h., o Bardo Abelardo traerá á Sala infantil da biblioteca unha nova sesión de contos e cantos.

Auga

2011-03-02T19:44:00.002+01:00

O día 22 de marzo celébrase o Día Mundial da Auga. Con este motivo tedes á vosa disposición unha mostra bibliográfica relacionada con esta temática.

Actividade para os rapaces de 5º curso

2011-03-02T19:39:00.004+01:00

Hoxe rematamos a 1ª fase do programa de actividades centrado nos contos das Mil e Unha Noites cos rapaces de 5º curso.

Actividade para os rapaces de 6º curso

2011-03-02T19:29:00.005+01:00

O venres foi o turno dos rapaces de 6º curso. Tras escoitar outra versión de Simbad o mariño aprenderon a escribir o seu nome en árabe.

Actividade para os rapaces de 4º curso

2011-02-24T18:45:00.003+01:00

Hoxe foron os alumn@s de 4º curso os que aprenderon a escribir o seu nome en árabe.

Actividade para os rapaces de 3º curso

2011-02-24T18:40:00.005+01:00

Onte os alumn@s de 3º curso asistiron á súa sesión das Mil e Unha Noites. Primeiro escoitaron outra versión da historia de Simbad o Mariño e, despois de conversar un anaco con Mónica sobre diversos aspectos do mundo oriental, aprenderon a escribir o seu nome en árabe.

Actividade para os rapaces de 2º curso

2011-02-24T18:37:00.004+01:00

O xoves pasado foi o turno dos rapaces de 2º curso.

Actividade para os rapaces de 1º curso

2011-02-16T19:49:00.004+01:00

Continuamos traballando cos contos das Mil e Unha Noites. Hoxe os alumn@s de 1º curso escoitaron outra versión da historia de Simbad o Mariño e confeccionaron unhas estupendas láminas.

Actividade para os alumn@s de 5 anos

2011-02-16T19:45:00.006+01:00

O venres foron os alumn@s de 5 anos os que viñeron escoitar a historia de Simbad e elaborar o seu barco.

Falta a foto do grupo A (tivemos un erro con as fotos dese grupo), pero poñerémola proximamente.

Actividade para os nenos de 4 anos

2011-02-10T18:02:00.003+01:00

Hoxe foron os nen@s de 4 anos os que disfrutaron da historia de Simbad o mariño e confeccionaron o seu barco.

Actividade para os nen@s de 3 anos

2011-02-10T17:46:00.007+01:00

Onte comezamos as actividades programadas en colaboración co CEIP "José María Lage" para este curso. As historias que van guiar estas actividades son os contos das Mil e Unha Noites.

A sala infantil converteuse nun mundo máxico inspirado na cultura oriental. Os nen@s de 3 anos foron os primeiros en desfrutar da historia de Simbad o mariño. A través dun enorme mural Mónica foinos contando a historia de Simbad e as súas viaxes. Despois coloreamos con rotuladores un barco e pegamos a Simbad nel. Os rapaces demostraron ser uns estupendos artistas.

O xoves os rapaces de 4 anos e o venres os de 5 asistirán a esta mesma actividade.

Premios María Moliner

2011-01-05T13:17:00.002+01:00

Un ano máis o proxecto de animación á lectura presentado pola nosa Biblioteca aos Premios María Moliner figura entre os proxectos premiados. Despois de obter o Premio Nacional de Animación á Lectura no ano 2008 e varias mencións especiais en outras convocatorias, no 2010 figuramos entre os 300 proxectos seleccionados en toda España, polo que recibiremos un novo lote de libros que pasará a formar parte dos fondos da Biblioteca.

Podedes ver a noticia na Voz de Galicia e no Diario de Ferrol.

De novo gracias a tod@s os que participachedes nas actividades pois sin vos estes premios non serían posibles.

Gañadoras sorteo cestas de Nadal

2010-12-23T19:29:00.008+01:00

Onte celebramos o sorteo das dúas cestas de Nadal entre tod@s os que utilizáchedes o servizo de préstamo ao longo do mes de decembro e as agraciadas foron:

Cesta infantil: Julieta Balboa López

Cesta de xuvenil/adultos: María Blanco Fafián

Noraboa ás dúas.

Lembrade que os días de Noiteboa e Nadal a biblioteca estará pechada. Vémonos de novo o luns.

Aproveitamos tamén para desexarvos un FELIZ NADAL.

Presentación do libro "O fillo da furia"

2010-12-22T18:46:00.007+01:00

Onte presentouse na biblioteca o libro "O fillo da furia". Tivemos a sorte de contar coa presenza dos autores, Manolo López Poy e Miguel Fernández, e do editor, Manel Craneo. Contaronnos un montón de cousas sobre como xurdiu a idea desta obra e como foi a súa elaboración. Finalmente asinaron exemplares aos asistentes que quixeron.

Contacontos o mércores 15 de decembro

2010-12-14T13:07:00.008+01:00

O mércores, ás 17:30 h., a compañía de títeres e contacontos "Tarabelos" traénos á biblioteca "Un Nadal cheo de contos".

Canto máis leas máis posibilidades terás de gañar!

2010-12-03T13:56:00.004+01:00

Cada día que leves libros en préstamo entregarémosche unha papeleta para participar no sorteo de dúas CESTAS DE NADAL cargadas de libros. O sorteo celebrarase o día 22 de decembro ás 17:30 h.

Menú de Nadal

2010-12-02T16:41:00.005+01:00

Animádevos a disfrutar do noso menú de Nadal. Pratos para todos os gustos.

"Palabra de chapeu. Contos para xogar"

2010-11-24T10:36:00.004+01:00

Hoxe mércores, ás 17:30 h., sesión de contacontos na sala infantil da Biblioteca municipal a cargo da compañía Teatro Patán.

Esperámosvos

Tras la huella de...

2010-11-10T10:35:00.004+01:00

Este mes la muestra bibliográfica de la Biblioteca nos acerca a los libros de intriga y misterio.

Esperamos que os gusten.

"Todo é silencio" de Manuel Rivas

2010-11-05T12:51:00.003+01:00

Xa temos á vosa disposición a nova obra de Manuel Rivas.

Todo é silencio narra o irresistíbel ascenso social de Mariscal, un capo contrabandista, e das almas que habitan Brétema, o universo que domina ao seu antollo. En Brétema, na costa atlántica, houbo un tempo en que as redes do contrabando, reconvertidas ao narcotráfico, acadaron tanto poder que estiveron moi preto de controlar o poder social e as institucións. Todo é silencio narra tamén a vida dun grupo de amigos, aos que une dende a infancia o andar á crebas, á procura de restos de naufraxios, no escenario sempre sorprendente do mar de Galicia. Ese mar que fala cos signos que deita na beira. Dende moi pronto, o destino da xente nova estará determinado pola sombra odiosa e engaiolante a un tempo do omnipresente Mariscal. Unha novela, Todo é silencio, que relata como os círculos do crime rodean e corrompen, non sempre con éxito, o extraño feitizo da condición humana.

Día da Biblioteca 2010

2010-10-26T13:31:00.004+02:00

O domingo 24 foi o Día Mundial das Bibliotecas e nós celebrámolo esta semana con dúas actividades.

Para os nen@s hai un contacontos con Fátima Fernández o mércores 27 ás 17:30 horas.

Para os adultos seleccionamos unha serie de libros e películas nos que a biblioteca está presente.

Agardamos que ambas cousas sexan do voso interese.

Mario Vargas Llosa - Premio Nobel de Literatura 2010

2010-10-08T10:11:00.006+02:00

Mario Vargas Llosa nació en Arequipa, Perú, en 1936. Aunque había publicado un libro de relatos "Los jefes", que obtuvo el premio Leopoldo Alas, su carrera literaria cobró notoriedad con la publicación de "La ciudad y los perros", Premio Biblioteca Breve de 1962 y Premio de la Crítica en 1963.

En 1965 apareció su segunda novela, "La casa verde", que obtuvo el Premio de la Crítica y el Premio Internacional Rómulo Gallegos. Posteriormente ha publicado piezas teatrales, estudios y ensayos, memorias, relatos y sobre todo novelas.

Podéis ver las obras escritas por él que tenemos en la biblioteca picando aquí.

Ha obtenido los más importantes galardones literarios, desde los ya mencionados hasta el Premio Cervantes, el Príncipe de Asturias... y ahora el Premio Nobel de Literatura.

Xa na biblioteca "La caída de los gigantes" de Ken Follet

2010-09-29T11:54:00.011+02:00

Ken Follet regresa coa triloxía The Century onde combina a dimensión épica e o drama humano, selo distintivo das súas obras, a unha escala nunca antes concibida, nin sequera por el.

Coa mesma habilidade que nas súas novelas ambientadas na Idade Media, en The Century o autor segue os destinos entrelazados de tres xeracións de cinco familias: unha galesa, unha inglesa, unha rusa, unha alemana e outra estadounidense.

Esta primeira novela, La caída de los gigantes, está enmarcada nos cruciais acontecimentos da Primeira Guerra Mundial e a Revolución rusa. A seguinte céntrase na Segunda Guerra Mundial e a terceira, na Guerra Fría.

No OPAC podes ver si nestes intres o libro está prestado a outr@ usuari@.

Novela "O Anarquista" de Leandro Pita Romero

2010-08-12T10:29:00.004+02:00

En homenaxe a Leandro Pita Romero o Concello de Ortigueira acaba de publicar e edición facsímilar da súa única novela, "O Anarquista".
Tod@s os que desexedes obter un exemplar desta obra podedes solicitala no mostrador da Biblioteca ao longo do día de hoxe.

"Invictus"

2010-07-07T10:29:00.022+02:00

Dende hoxe tedes á vosa disposición na Biblioteca a película "Invictus". E para os que vos apeteza máis ler o libro lembrarvos que tamén está na biblioteca dende hai uns meses.

Vos deixamos aquí o trailer da película:

Leer al sol

2010-07-02T13:12:00.006+02:00

En la biblioteca ya tienes a tu disposición nuestras sugerencias de lectura para este verano.

Aviso

2010-06-30T17:16:00.005+02:00

HORARIO MES DE XULLO

De luns a venres: de 9:00 a 14:00 horas

Lembrade que o luns 2 de agosto voltamos ao horario habitual.

"Alicia Patapam en los cuentos" - Actividade realizada para os alumn@s de Educación infantil do CEIP "José María Lage"

2010-06-17T17:28:00.012+02:00

Coa 3ª sesión destinada aos alumn@s de Educación infantil rematamos o programa "Coñecendo a Gianni Rodari" levado a cabo ao longo do curso escolar que está a piques de rematar.

Nesta sesión, despois de ler a historia de Alicia Patapam xogamos a adiviñar que obxectos trouxo Alicia dos diferentes contos. Rematamos coloreando a historia do Gato con Botas. Descubrimos que coñecemos unha morea de contos tradicionais.

Podedes ver máis fotos nos blogues de Educación infantil.

Queremos aproveitar para agradecer a todo o profesorado que participáchedes cos vosos alumn@s nas actividades que preparamos. Esperamos que tod@s disfrutásedes tanto coma nós. Tamén desexamos que vos acheguedes por aquí no verán e por suposto o vindeiro curso.

Moitos contos para ti - "Contos do demo" con Fantoches Baj

2010-06-17T17:21:00.009+02:00

O día 26 de maio visitounos Fantoches Baj e contounos un montón de historias. Déixovos aquí un par de fotos da sesión.

No mes de agosto disfrutaremos de novas sesións do programa "Moitos contos para ti".

Letras Galegas 2010

2010-05-31T13:36:00.005+02:00

Este ano celebramos o Día das Letras Galegas ao longo de todo o mes de maio coa III Mostra do Libro Galego. Nesta ocasión o protagonista foi Uxío Novoneyra, polo que as súas obras estaban incluidas na mostra, que acompañamos cunha serie de láminas editadas pola Xunta de Galicia sobre a vida e a obra deste autor.

Completamos a celebración coa visita dos Regueifeiros de Galicia, Suso e Antón de Xornes, que o día 19 divertíronnos moito coas súas regueifas.

"Contos ó teléfono" - Actividade realizada para o terceiro ciclo do CEIP "José María Lage"

2010-05-31T12:56:00.006+02:00

Primeiro limos un par de historias do libro "Contos ó teléfono" de Gianni Rodari. Ambas estaban relacionadas cos sons polo que despois xogamos a debuxar e adiviñar onomatopeas. Cada un dos asistentes escolleu unha onomatopea e a debuxou nunha cartolina. A monitora uníu todas as cartolinas formando un libro abano e foinas mostrando para que adiviñásemos que onomatopea representaba cada debuxo.

"Palabras novas" - Actividade realizada para o segundo ciclo do CEIP "José María Lage"

2010-05-20T19:13:00.007+02:00

Nesta sesión aprendimos a elaborar palabras novas co método que Gianni Rodari propón no seu libro "Xogos de fantasía". El chámalle o sistema do prefixo fantástico, dí que para inventar palabras novas abonda con poñer un prefixo diante dunha palabra calquera, e así o fixemos. Cada un dos asistentes inventou a súa palabra e a debuxou nunha cartolina. Rematados todos os debuxos unimos as cartolinas e o resultado foi un libro cortina. Finalmente tiñamos que ir adiviñando entre todos que representa cada un dos debuxos.

Podedes ver máis fotos no blog dos alumn@s de terceiro de primaria.

"El camino que no iba a ninguna parte" - Actividade realizada para o 1º ciclo do CEIP "José María Lage"

2010-05-20T18:28:00.011+02:00

Mónica comezou esta sesión lendo a obra de Gianni Rodari "El camino que no iba a ninguna parte". A continuación xogamos cun tapiz no que había varios camiños. Tiñamos que averiguar cal era o camiño da historia, e a medida que íamos lembrando a mesma aparecían os seus personaxes polo tapiz. Finalmente cada un debuxou nunha cartolina o seu pedazo de camiño, e unímolos todos formando un libro sen fin cun camiño que non vai a ningunha parte.

Premios VI Concurso de debuxo en formato marcapáxinas

2010-04-30T12:31:00.012+02:00

Como xa sabedes todos, este ano o noso Concurso de debuxo en formato marcapáxinas estivo adicado á obra do escritor e ilustrador galego Anxo Fariña. Entre os debuxos que fixéchedes os alumn@s do CEIP "José María Lage", e que están expostos na Biblioteca, os premiados foron:

1º premio
MARÍA FOJÓN MARTÍNEZ. 2º ciclo

Finalistas
HELENA LÓPEZ PEÑA. Infantil
CHARI DOCAL PÉREZ. 1º ciclo
LOLA DEL CARMEN PÉREZ LORENZO. 2º ciclo
BORJA BEN MARIÑA. 3º ciclo

O primeiro premio consistiu na edición do marcapáxinas co debuxo gañador, un MP4 e un estupendo lote de libros. Os finalistas recibiron cadanseu lote de libros.

E, por suposto, Anxo Fariña foi quen entregou os premios na súa visita.

Podedes ver más fotos nos blogues do CEIP.

Recibimos a visita de Anxo Fariña

2010-04-29T19:34:00.007+02:00

Incluida nas celebracións do Mes do Libro, o mércores pola mañá recibimos a visita Anxo Fariña. Ás 10:15 estivo cos nen@s de educación infantil e de 1º ciclo do CEIP "José María Lage" e ás 12:15 cos de 2º e 3º ciclo.

Tod@s coñecíamos xa as súas obras posto que limos algunhas delas para facer os debuxos do VI Concurso de debuxo en formato marcapáxinas. Explicounos como é o seu traballo de escritor e de ilustrador. Fixo varios debuxos tomando como modelo a alumnos e alumnas que saíron voluntarios e a partir deses debuxos inventou divertidas historias.

FELIZ DÍA DO LIBRO!!!

2010-04-23T10:33:00.009+02:00

Aínda que o Día Mundial do Libro é hoxe, na biblioteca o celebramos con actividades ao longo de todo o mes. O mércores 21 celebramos o sorteo de lotes de libros entre os socios e socias que utilizaron o servizo de préstamo ao longo de todo o mes. As agraciadas foron:

- Lara Penabad Peña (lote infantil)
- Andrea Iglesias Fernández (lote juvenil)
- Mª José Marias García (lote de adultos).

Ese mesmo día vos propuxemos cubrir unha enquisa de opinión sobre a biblioteca e agradecimos a tod@s a vosa participación cun libro. Nos próximos días presentaremos un informe cos resultados.

A última actividade de celebración será o día 28 no CEIP "José Mª Lage", onde o autor Anxo Fariña entregará os premios do Concurso de debuxo e levará a cabo dúas sesións de contacontos.

Grazas a tod@s por participar nas diferentes actividades e FELIZ DÍA DO LIBRO.

Visita dun grupo de alumn@s de 4º da ESO do IES de Ortigueira

2010-04-23T10:26:00.004+02:00

O Xoves 22 un grupo de alumn@s de 4º da ESO viñeron coa súa profesora América a coñecer un pouco mellor a biblioteca. Falamos dos servizos que ofrece e resaltamos os máis descoñecidos, como por exemplo, a biblioteca dixital ou o OPAC web.

Hoxe celebramos o Día do Libro

2010-04-21T11:03:00.007+02:00

Como todos sabedes no mes de abril conflúen dúas datas moi importantes no mundo do libro, que son, o 2 de abril, Día Internacional do Libro Infantil e Xuvenil, e o 23 de abril, Día Mundial do Libro. Na Biblioteca celebramos estes acontecementos adicando todo o mes ao libro a través do programa "Sementando lecturas". As actividades propostas son:

VI Concurso de debuxo en formato marcapáxinas en colaboración co CEIP "José María Lage". Anxo Fariña entregará os premios no CEIP o próximo mércores. Na biblioteca podedes ver durante todo o mes a exposición cos debuxos premiados e con todos os debuxos participantes .

Sorteo de lotes de libros. Ao longo deste mes estivemos entregando papeletas de participación a todos os que leváchedes libros en préstamo. O sorteo será hoxe, día 21 ás 17:00 h.

Agasallo de libros. A tod@s aqueles que ao longo do día de hoxe cumplimentedes unha enquisa anónima sobre a biblioteca, que está á vosa disposición na mesma, recibiredes como agasallo un libro.

Grazas a tod@s pola vosa participación nas diferentes actividades.

"El hombrecillo de la lluvia" - Actividade realizada para os alumn@s de Educación infantil do CEIP "José María Lage"

2010-04-06T13:29:00.014+02:00

Nesta sesión disfrutamos da obra "El hombrecillo de la lluvia". Primeiro Mónica contounos a historia e logo recordámola entre tod@s mentres os personaxes ían aparecendo sobre un paraugas decorado cunha das escenas do conto. Para finalizar confeccionamos unha marioneta co protagonista.

Nos blogues do CEIP podedes ver máis información e máis fotografías da actividade: 3 anos A, 3 anos B, 4 anos B, 5 anos B.

"Pinocho o astuto" - Actividade realizada para o 3º ciclo do CEIP "José María Lage"

2010-03-25T19:07:00.007+01:00

A semana pasada levamos a cabo a 2ª sesión de actividades do programa "Coñecendo a Gianni Rodari" para os alumn@s de 3º ciclo. Empezamos lendo "Pinocho o astuto", unha historia para a que Rodari escribiu tres finais. A continuación inventamos o noso propio final e escribímolo nun divertido libro-pluma.

"¿Que sucedería se...? - Actividade realizada para o 2º ciclo do CEIP "José María Lage"

2010-03-25T18:46:00.012+01:00

Na 2ª sesión do programa "Coñecendo a Giaani Rodari" destinada aos alumn@s de 2º ciclo limos a historia "A planta de Pauliño" - ¿Que sucedería se alguén nacese co cabelo de algodón de azucre ou... con outra particularidade?. A continuación escribimos a nosa propia historia baseada na hipótese ¿Que sucedería se...? e a plasmamos nuns divertidos libros-pluma.
Podedes ver máis fotos dos grupos de 3º A e B no seu blog .

"El paseo de un distraído" - Actividade realizada para o 1º ciclo do CEIP "José María Lage"

2010-03-25T18:27:00.007+01:00

Este mes estamos realizando a 2ª sesión de actividades do programa "Coñecendo a Gianni Rodari" destinadas aos alumn@s do CEIP "José María Lage". Os primeiros foron os rapaces e rapazas de 1º ciclo cos que visionamos o CD de "El paseo de un distraído" e xogamos ao "tendal de Don Giovanni".

"Confundindo historias" - Actividade realizada para os alumn@s de Educación infantil do CEIP "José María Lage"

2010-02-25T09:49:00.012+01:00

Na 1ª sesión do programa "Coñecendo a Gianni Rodari" dirixida aos alumnos de Educación infantil divertímonos moito coa obra "Confundindo historias" e coloreando as súas láminas con pintura de dedos. Conseguimos moitas carrapuchiñas de diferentes cores.

"Los traspiés de Alicia Paf" - Actividade realizada para o 3º ciclo do CEIP "José María Lage"

2010-02-17T18:04:00.012+01:00

Na 1ª sesión do programa "Coñecendo a Gianni Rodari" destinada aos alumn@s do 3º ciclo traballamos coa obra "Los traspiés de Alicia Paf" e elaboramos unhos libros moi imaxinativos cos nosos tropezos.

"Eu coñecín un paisano" - Actividade realizada para o 2º ciclo do CEIP "José María Lage"

2010-02-17T17:45:00.011+01:00

Na 1ª sesión do programa "Coñecendo a Gianni Rodari" destinada aos alumn@s do 2º ciclo do CEIP "José María Lage" convertimos a Biblioteca nun restaurante no que se serviron unha morea de ensaladas de versos. Fixémonos unha foto coa carta que confeccionamos cada ún.

"¿Quién soy yo? - Actividade realizada para o 1º ciclo do CEIP "José Mª Lage"

2010-02-17T17:29:00.008+01:00

Iniciamos as actividades do programa "Coñecendo a Gianni Rodari" co 1º ciclo do CEIP "José Mª Lage" e este é o resultado da primeira sesión titulada "¿Quién soy yo?". Estamos tod@s guapísim@s nas láminas collage que confeccionamos.

No 2009 quedamos de novo finalistas nos premios María Moliner

2009-12-29T10:11:00.004+01:00

Despois de recibir en Astorga o premio como Mellor Proxecto de Animación á Lectura 2008 dentro da XI Campaña de animación á lectura María Moliner, recibimos o diploma de ter quedado este ano entre os finalistas. A traxectoria da nosa biblioteca neses premios é a seguinte:

2009 Finalistas
2008 Gañadores na categoria de Mellor Proxecto de Animación á Lectura
2007 Finalistas
2006 Finalistas
2005 Finalistas
2004 Entre as 350 bibliotecas premiadas.

Unha vez máis queremos agradecer a vosa participación nas distintas actividades levadas a cabo porque ese é o noso mellor premio.

Horarios nas festas de Nadal

2009-12-29T09:53:00.005+01:00

Durante o que queda das festas de Nadal a Biblioteca permanecerá pechada os días de Fin de Ano e Aninovo e o sábado 2 de xaneiro.

Desexamos que teñades todos unha moi boa entrada de ano.

Entrega Premio María Moliner de animación á lectura 2008

2009-12-14T13:15:00.007+01:00

O pasado venres estivemos en Astorga recollendo o Premio ao "Mejor Proyecto de Animación a la Lectura" que nos concedeu o Ministerio de Cultura na XI edición da Campaña María Moliner.

A entrega de premios estaba pendente dende o ano pasado por cambios no Ministerio de Cultura polo que este ano entregáronse en Astorga os premios das edicións 2008 e 2009. As bibliotecas premiadas foron:

2008

"Premio María Moliner al mejor proyecto de animación a la lectura": Biblioteca municipal "Juan Fernández Latorre" de Ortigueira (A Coruña).
"Premio María Moliner a la mejor labor bibliotecaria": Biblioteca central de Igualada (Barcelona).
"Premio María Moliner al mejor proyecto de integración social": Biblioteca municipal de Corralejo, La Oliva (Las Palmas).

2009

"Premio María Moliner al mejor proyecto de animación a la lectura": Biblioteca municipal de La Vall dUixó (Castellón).
"Premio María Moliner a la mejor labor bibliotecaria": Biblioteca municipal de Astorga (León).
"Premio María Moliner al mejor proyecto de integración social": Biblioteca municipal de Sevilla la Nueva (Madrid).

Recibimos o premio de mans de D. Rogelio Blanco, Director General del Libro, la Lectura y las Letras. Na foto estamos con el unha vez rematado o acto de entrega.

Estamos de volta

2009-12-02T18:43:00.007+01:00

Despois dunha longa pausa no noso blogue por fin estamos de volta. A part¡r de hoxe tódalas novas da Biblioteca estarán aquí e a primeira delas é a nosa campaña de Nadal: "Eu agasallo libros ¿e ti?".
Con ela queremos amosar algúns dos libros que poden ser un bo agasallo de Nadal. Lembrádevos de pasar pola Biblioteca para ver esta mostra.
E como aperitivo aquí vos deixamos un par de fotos:

Febreiro - Ven a divertirte no Entroido

2009-02-12T10:14:00.008+01:00

No mes de febreiro Na biblioteca a diversión continúa baixo o lema "Ven a divertirte no Entroido".

Para celebrar que o 2009 é o Ano Internacional da Astronomía adicaremos as actividades ao universo.

- 4, 11 e 18 de febreiro: obradoiros de entroido.
- 25 de febreiro: sesión especial de contacontos con Carmen Domech (Títeres Cachirulo) cofinanciada pola Consellería de Cultura dentro de Programa Letras Vivas.

Os horarios son os habituais.

Visitas escolares do CEIP "José María Lage"

2009-01-15T12:09:00.006+01:00

Entre os días 12 e 22 de xaneiro estamos a recibir a visita dos alumn@s do CEIP "José María Lage". En cada visita aprendemos un pouco sobre a biblioteca e realizamos unha sesión de animación á lectura.

Xaneiro - Ven a divertirte con Leo Lionni

2009-01-14T17:03:00.010+01:00

Co novo ano comezamos un novo programa de actividades para os máis novos. Baixo o lema "Na biblioteca a diversión continúa" faremos un montón de entretidas actividades.

En xaneiro "Ven a divertirte con Leo Lionni":

-14 de xaneiro: Obradoiro "Pequeno azul e pequeno amarelo".
-21 de xaneiro: Obradoiro "Nadarín".

Coma sempre haberá dúas sesións: ás 16:30 h. para os rapaces de 7 a 12 anos e ás 18:30 h. para os de 3 a 6 anos. As prazas son limitadas, é preciso inscribirse para cada obradoiro na biblioteca.

-28 de xaneiro: especial contacontos. Ás 17:30 h. para todas as idades.

Aviso!!!

2008-12-23T19:12:00.008+01:00

Durante estas festas a biblioteca permanecerá pechada os seguintes días:
- 24 de decembro (Noiteboa)
- 25 de decembro (Nadal)
- 31 de decembro (Fin de Ano)
- 1 de xaneiro (Aninovo)

O resto dos días estará aberta no seu horario habitual.

Desexámoslles que pasen unhas FELICES FESTAS.

Decembro - Na biblioteca... celebramos o Nadal

2008-12-04T18:38:00.007+01:00

Este mes imos elaborar unhas fermosas árbores de Nadal con diversos materiais reciclados. Os obradoiros desenvolveranse os días 3 , 10 e 17 en dúas sesións: ás 16:30 h. para os rapaces de 7 a 12 anos e ás 18:30 h. para os nen@s de 3 a 6 anos. As prazas son limitadas, lembrade que hai que anotarse na Biblioteca para cada sesión.
O día 23 haberá unha sesión especial de contacontos con Pavís-Pavós ás 17:30 h. con entrada libre.

Boletíns de novidades

2008-12-04T18:35:00.007+01:00

Podedes ver as novidades bibliográficas máis destacadas dos meses de setembro e outubro picando na imaxe.

Novembro - Na biblioteca... cociñamos marmeladas e inos ao cine

2008-12-04T17:51:00.006+01:00

Como podedes ver despois da "resaca" polo premio María Moliner houbo un pequeno paréntesis no noso blogue. Agora chegou o momento de poñelo ao día, e aínda que sempre intentamos informar sobre as actividades antes de realizalas, no caso do mes de novembro o facemos unha vez rematadas.
Este mes traballamos con dúas temáticas diferentes. Por un lado elaboramos marmeladas de contos en tres obradoiros que se levaron a cabo os días 5 , 12 e 19 . E por outro lado asistimos a unha sesión de cine o día 26. Ambas propostas reflicten as actividades tan diferentes que podemos facer na biblioteca.

¡Gañamos o premio María Moliner de Animación á Lectura 2008!

2008-10-27T18:14:00.010+01:00

Ainda que non pareza certo, así é. Unha biblioteca perdida na xeografía galega, situada nun entorno rural e que atende a un núcleo de poboación moi diseminado.

Dúas bibliotecarias ao frente da sección infantil, da hemeroteca, da sala multimedia e un longo etc..., e desenvolvendo un programa de animación á lectura que se leva a cabo durante todo o ano.

Como ingredientes: xornadas maratonianas, moita imaxinación, reciclaxe de materiais inimaxinables, unha morea de estrés, unha chisca de paciencia, un montón de rapaces... pero ¡por fin! mereceu a pena. O noso traballo foi premiado polo Ministerio de Cultura como "Mejor Proyecto de Animación a la Lectura" na XI edición da Campaña María Moliner.

E como consideramos que o ingrediente fundamental son eses rapaces, queremos agradecerlles a súa participación, xa que sin ela o noso esforzo non tería sentido.

Queremos agradecer todas as felicitacións recibidas por parte dos nosos usuarios, dos compañeiros e compañeiras das bibliotecas municipais galegas, dos medios de comunicación...

Tamén un recoñecemento moi especial ao anterior alcalde, Antonio Campo e ao actual Goberno municipal polo seu apoio e aposta por este proxecto.

A nosa gratitude ao profesorado dos distintos centros de ensinanza do municipio pola súa participación en diversas actividades.

Por último un enorme agradecemento ao Ministerio de Cultura, á Federación Española de Municipios y Provincias e á Fundación Coca-Cola Juan Manuel Sainz de Vicuña pola realización desta Campaña que premia o labor desenvolvido polos bibliotecarios nos municipios de menos de 50.000 habitantes.

Un saúdo a todos

Mónica e María José

Outubro - Na biblioteca... ilustramos - Outubro 2008

2008-10-13T10:46:00.008+02:00

No mes de outubro reanudamos as actividades do programa "Na biblioteca...". Nesta ocasión adicaremos o mes ao mundo da ilustración.

As sesións que se van desenvolver son tres obradoiros de ilustración os días 8 , 15 e 22 de outubro nos seguintes horarios: ás 16:30 h. para os nen@s de 7 a 12 anos e ás 18:30 h. para os de 3 a 6 anos. As prazas son limitadas polo que é necesario inscribirse para cada sesión na biblioteca.

Como sesión final, o día 29, Marisa Irimia nos traerá o "Xogo do misterio das sete portas" ás 17:30 h. É unha única sesión para todas as idades e a entrada será libre, sen inscrición.

Boletíns de novidades

2008-10-03T18:26:00.008+02:00

Podedes ver as novidades dos meses de maio-xuño e xullo-agosto picando nas imaxes.

Presentación do libro "As orixes do pobo de Breogán no Leabhar Gabhála"

2008-09-22T18:17:00.001+02:00

O día 20 de agosto Ramón Sainero, profesor de Literatura Celta e Irlandesa da UNED e director do Instituto de Estudos Celtas, presentou na Biblioteca o seu libro As orixes do pobo de Breogán no "Leabhar Gabhála", publicado por Biblos Clube de Lectores na colección Mandaio.
Ramón Sainero estivo acompañado por Tucho Calvo, director literario de Biblios Clube de lectores, que se encargou de presentar o acto, e do xornalista e escritor Ramón Loureiro, que fixo un breve percorrido pola vida e obra do autor.

Agosto - Na biblioteca... escoitamos historias

2008-08-05T18:04:00.003+02:00

Durante o mes de agosto haberá catro sesións de contacontos incluídas no programa "Na biblioteca":

6 de agosto: "Os contos do Pablísimo" de San & San Teatro.
13 de agosto: "Palabras e papeis" de Fran Ínsua.
20 de agosto: Os contos da ciclobiblioteca.
27 de agosto: Os contos de Fátima Fernández.

Todas as sesións serán ás 12:00 h. e contarán con entrada libre.

As dúas primeiras sesións están cofinanciadas pola Dirección Xeral de Creación e Difusión Cultural da Xunta de Galicia, dentro do programa Letras Vivas Animación.

Visita de Marisa Irimia - 22 de xullo de 2008

2008-07-23T13:52:00.002+02:00

Onte recibimos a visita de Marisa Irimia, que nos contou varios contos do Kamishibai.

Esta sesión estaba incluída no premio que recibimos na IX Campaña María Moliner.

Xullo - Na biblioteca... bricolamos

2008-07-02T12:12:00.001+02:00

No mes de xullo as actividades do programa "Na biblioteca..." para nen@s de 3 a 12 anos cambian de horario. Haberá unha única sesión ás 12 horas.

Calendario:
- 2 de xullo: Obradoiro de globoflexia.
- 9 de xullo: Obradoiro de papiroflexia.
- 16 de xullo: Obradoiro de chenilla.
- 23 de xullo: Obradoiro de escuma multicor.

Para cada unha destas actividades é necesario inscribirse na biblioteca o mesmo día da súa celebración ou o día anterior. As prazas están limitadas.

O día 30 de xullo haberá unha SESIÓN DE CONTACONTOS con Fátima Fernández para todas as idades con entrada libre.

Aviso!!!

2008-07-02T12:06:00.000+02:00

Recordámosvos que durante o mes de xullo o horario da biblioteca é:

Luns-venres: 9:00 a 14:00 horas.
Sábados: 10:00 a 13:30 horas (excepto os días 12 e o 26 nos que a biblioteca permanecerá pechada).

No mes de agosto volvemos ao horario habitual.

¡Que me leva a corrente!

2008-06-14T10:42:00.001+02:00

Na praza exterior da biblioteca hai un taboleiro un pouco raro, ten varias casas de cores e nelas están Fluvi, os seus amigos e outros elementos estraños. ¿Para que é?. Pois é o Fluvi xogo ¡Que me leva a corrente!. Algúns de vós xa xogástes o mércores pasado nel e tod@s aos que vos apeteza probalo só tedes que pedir o dado na biblioteca.

Aviso!!!

2008-06-04T19:26:00.000+02:00

O sábado día 7 de xuño a biblioteca permanecerá pechada.
Rogamos disculpedes as molestias ocasionadas.

Xuño - Na biblioteca... Expo Zaragoza 2008

2008-06-04T19:18:00.002+02:00

A través das actividades do mes de xuño imos "viaxar" a Expo Zaragoza 2008.

Calendario:
- 4 e 11 de xuño: ás 16:30 h. para nen@s de 7 a 12 anos e ás 18:00 h. para nen@s de 3 a 6 anos. Prazas limitadas. Inscrición na Biblioteca.
- 25 de xuño: ás 17:30 h. sesión especial de contacontos.

Na biblioteca "Un soño de contos" - 28 de maio de 2008

2008-05-27T11:40:00.000+02:00

O mércores 28 ás 17:30 h. Fátima Fernández presentará o seu espectáculo "Un soño de contos" na sala infantil da Biblioteca.

Esta actividade está cofinanciada pola Consellería de Cultura e Deporte dentro do programa Letras Vivas Animación.

Xa están as fotos.

Maio - Na biblioteca somos poetas

2008-05-13T10:01:00.001+02:00

No mes de maio continuamos coas actividades do programa "Na biblioteca".

Este mes o adicamos ás Letras Galegas e baixo o título "Na biblioteca somos poetas" imos confeccionar uns preciosos libros xigantes baseados en poemas de escritores galegos. Algúns destes poemas serán de Xosé Mª Álvarez Blázquez, autor ao que lle se adica o Día das Letras Galegas este ano.

Como sempre haberá dúas sesións, ás 16:30 h. para os nen@s de 7 a 12 anos e ás 18:00 h. para os de 3 a 6 anos. As prazas son limitadas polo que é preciso inscribirse o mesmo día na Biblioteca. As datas dos obradoiros son:

- 7 de maio.
- 14 de maio.
- 21 de maio.

Maio, mes das Letras Galegas

2008-05-12T13:02:00.002+02:00

Durante o mes de maio celebramos as Letras Galegas, que este ano están adicadas ao escritor Xosé María Álvarez Blázquez.

Para achegarvos á literatura galega podedes visitar na planta baixa da Biblioteca a "I Mostra do Libro Galego". É unha mostra de distintas obras de autores galegos, entre eles o homenaxeado o Día das Letras Galegas.

Tamén están expostos uns pequenos paneis con información de todos os homenaxeados nesa data, desde Rosalía de Castro no 1963 ata Álvarez Blázquez no 2008.

Esperamos que esta iniciativa sexa do voso interese.